Дербес деректерді қалай қорғаймыз?
BES.media ForteBank-пен бірге қаржы сауатын арттыруға бағытталған бірнеше видео ұсынады.
Не болды?
Бұл видеода жеке куәлігіңіздің суретін және электронды цифрлық қолтаңба (ЭЦҚ) кілтін мессенджер арқылы өзгелерге жіберудің қауіпті екені туралы сөз қозғаймыз.
Алаяқтар сіз туралы көп ақпарат білсе, олардың айласына түсу мүмкіндігі де жоғарылайды. Интернет дамыған заманда жеке деректерді табу аса қиын нәрсе емес.
Алаяқтардың айласына түспеу үшін әрбір қазақстандықтың қаржылай сауатты болуы өте маңызды. Видеоны жақындарыңыз және достарыңызбен бөлісуге кеңес береміз.
Жеке деректердің қауіпсіздігін қалай қамтамасыз етеміз
Ешкімге мессенджер арқылы жеке куәлігіңіздің суретін жібермеңіз. Интернетте ЖСН арқылы сіз туралы барлық ақпаратты білуге болады. Мысалы: айыппұл, кредит, сот шешімі, салық бойынша қарыздар және басқа да маңызды ақпараттар.
Тіпті, алаяқтар сіздің жеке құжатыңызды тауар сатып аларда кепіл ретінде пайдаланып, сіздің атыңызға несие рәсімдеуі мүмкін.
ЭЦҚ-ны үшінші тұлғаларға жіберуге болмайды. Себебі алаяқтар заңды және қаржылай келісімге қол қойып, танымайтын адамды пәтерге тіркеуі мүмкін.
ЭЦҚ алғаш рет ашқаннан кейін де, жоғалтып жаңартқаннан кейін де, құпия сөзді ауыстыру қажет.
ҚР каржы нарығын реттеу жене дамыту агенттігінің 03.02.2020 ж. "ForteBank" АҚ-ға берген №1.2.29/197/36 лицензиясы.
–––
