Ұлытауда белсенді жастарға арналған Ulytau Go лагері өтіп жатыр
Не болды
27-29 тамыз күндері Ұлытау облысы қоғамдық даму басқармасының ұйымдастыруымен жыл сайынғы Ulytau Go жастар лагері өтуде.
Кімдерге арналған
Биыл лагерьге Жезқазған, Сәтбаев, Қаражал қалалары мен Ұлытау және Жаңаарқа аудандарынан жас кәсіпкерлер, волонтерлер, жұмысшы жастар және қоғамдық белсенділер жиналды.
Бағдарлама мазмұны
Үш күндік бағдарлама жастардың тұлғалық дамуына, кәсіби бағытын айқындауға және жаңа ортада тәжірибе алмасуына бағытталған. Қатысушылар үшін "Жеке бренд қалыптастыру", "Мобилография ерекшелігі", "СММ" тақырыптарында семинар-тренингтер ұйымдастырылды. Сонымен қатар спорттық жарыстар мен қазақ тіліндегі интеллектуалды "ТезТап" ойыны өткізіледі.
Рухани-мәдени саяхат
Лагерьдің үшінші күні қатысушылар Жошы хан кесенесіне барып, Ұлытаудың тарихи әрі рухани мұрасымен танысады.
Маңызды
Ulytau Go лагері – жастардың жаңа идеяларын жүзеге асыруына, көшбасшылық қабілеттерін дамытуына және өңірдің белсенді жас буынын біріктіруге арналған маңызды алаң болып саналады.
Материал Ұлытау облысы әкімдігімен бірлесіп дайындалды.
